అమలాపురం: తెలుగుదేశం పార్టీ రాష్ట్ర కార్యవర్గంలో అమలాపురం పట్టణానికి చెందిన నాయకుడు చెరుకూరి సాయిరాంకు కీలక స్థానం లభించింది. ఆయనను రాష్ట్ర కార్యనిర్వాహక కార్యదర్శిగా నియమిస్తూ పార్టీ ఉత్తర్వులు జారీ చేసింది.
రాష్ట్ర స్థాయి కమిటీలో చెరుకూరికి చోటు లభించడం ఆయన రాజకీయ ప్రయాణంలో ఒక ముఖ్యమైన మైలురాయిగా భావిస్తున్నారు. పార్టీ సంస్థాగత నిర్మాణంలో అనుభవం, సేవలను దృష్టిలో ఉంచుకుని ఈ బాధ్యతలు అప్పగించినట్లు పార్టీ వర్గాలు చెబుతున్నాయి.
ఈ నియామకంపై స్థానిక టిడిపి శ్రేణులు, కార్యకర్తలు హర్షం వ్యక్తం చేస్తున్నారు. అమలాపురం ప్రాంతానికి రాష్ట్ర స్థాయిలో ప్రాతినిధ్యం లభించడం గర్వకారణమని పేర్కొంటున్నారు.
