పశ్చిమాసియాలో కొనసాగుతున్న యుద్ధం కారణంగా వ్యూహాత్మకమైన హర్మూజ్ జలసంధి వద్ద రవాణా నిలిచిపోవడంతో భారత్కు ఇంధనాన్ని తీసుకొస్తున్న 28 నౌకలు పర్షియన్ గల్ఫ్ ప్రాంతంలో చిక్కుకుపోయాయి. ఈ విషయాన్ని కేంద్ర ఓడరేవులు, షిప్పింగ్ శాఖ ప్రత్యేక కార్యదర్శి రాజేష్ కుమార్ సిన్హా వెల్లడించారు. భారత నౌకలను సురక్షితంగా తిరిగి తీసుకువచ్చేందుకు ప్రభుత్వం తీవ్రంగా కృషి చేస్తోందని తెలిపారు.
చిక్కుకుపోయిన నౌకల్లో భారత్కు చెందిన 18 నౌకలతో పాటు విదేశీ జెండాలతో ప్రయాణిస్తున్న మరో 10 నౌకలు ఉన్నాయి. వీటిలో ముడి చమురు, ఎల్పీజీ, ఎల్ఎన్జీ ట్యాంకర్లు ఉన్నాయని అధికారులు తెలిపారు. మొత్తం 485 మంది సిబ్బంది ఈ నౌకల్లో ఉన్నారని, వారందరూ క్షేమంగా ఉన్నారని ప్రభుత్వం స్పష్టం చేసింది. గత 72 గంటల్లో ఎలాంటి అవాంఛనీయ ఘటనలు చోటుచేసుకోలేదని పేర్కొంది.
ఈ క్లిష్ట పరిస్థితుల్లో కూడా భారత ప్రభుత్వం దౌత్యపరమైన చర్చలను కొనసాగిస్తోంది. ఫలితంగా గత రెండు రోజుల్లో ‘బి.డబ్ల్యు టి.వై.ఆర్’కు చెందిన రెండు ఎల్పీజీ నౌకలు సుమారు 94,000 టన్నుల గ్యాస్తో జలసంధిని దాటి, మార్చి 31 మరియు ఏప్రిల్ 1 తేదీల్లో ముంబై, మంగళూరు పోర్టులకు చేరుకోనున్నాయి. గత వారాల్లో కూడా కొన్ని నౌకలు సురక్షితంగా గమ్యస్థానాలకు చేరాయి.
భారత ఇంధన భద్రతకు హర్మూజ్ జలసంధి అత్యంత కీలకం. దేశానికి అవసరమైన ముడి చమురులో 40%, ఎల్ఎన్జీలో 50%, ఎల్పీజీ దిగుమతుల్లో 90% ఈ మార్గం ద్వారానే వస్తాయి. ఈ నేపథ్యంలో కేంద్ర ప్రభుత్వం ఇరాన్ అధికారులతో నిరంతరం సంప్రదింపులు జరుపుతోంది. “శత్రు దేశాలకు చెందని నౌకలు” అనుమతితో ప్రయాణించవచ్చని ఇరాన్ ప్రకటించడం కొంత ఉపశమనం కలిగించే పరిణామంగా భావిస్తున్నారు.
