రాజోలు : రాజోలు నియోజకవర్గ జనసేన నాయకులు సఖినేటిపల్లి పోలీస్ స్టేషన్లో ఫిర్యాదు చేస్తూ, గత నెల జూన్ 28న ఏలూరులో జరిగిన ఒక కార్యక్రమంలో ఉప ముఖ్యమంత్రి, జనసేన పార్టీ అధ్యక్షులు పవన్ కళ్యాణ్పై రావణ్ అలియాస్ జోసెఫ్ (ప్రశ్న జోసెఫ్గా కూడా పేర్కొంటారు) అనుచిత వ్యాఖ్యలు చేశారని ఆరోపించారు. ఈ ఘటనపై చట్టపరంగా విచారణ జరిపి తగిన చర్యలు తీసుకోవాలని పోలీసులను కోరారు.
ఈ సందర్భంగా జనసేన నాయకులు మాట్లాడుతూ, వాక్ స్వాతంత్ర్యాన్ని దుర్వినియోగం చేస్తూ కొందరు వ్యక్తులు కుల, మత అంశాలను ప్రస్తావిస్తూ వ్యక్తిగత విమర్శలకు పాల్పడుతున్నారని ఆరోపించారు. ఇటువంటి వ్యాఖ్యలు సమాజంలో ఉద్రిక్తతలకు దారితీసే అవకాశం ఉందని పేర్కొంటూ, చట్టప్రకారం విచారణ నిర్వహించి అవసరమైన చర్యలు తీసుకోవాలని పోలీసు అధికారులను విజ్ఞప్తి చేశారు.
ప్రజల్లో శాంతి భద్రతలు, సామాజిక సామరస్యాన్ని పరిరక్షించేందుకు చట్టాన్ని కచ్చితంగా అమలు చేయాలని వారు కోరారు.
