రాజోలు: సఖినేటిపల్లి మండలం, వి.వి. మెరక గ్రామ పంచాయతీ పరిధిలోని అల్లూరి సత్యనారాయణరాజు కళ్యాణ మండపంలో సర్పంచి ఓగూరి రత్నకుమారి పదవి విరమణ సందర్భంగా సన్మాన సభ నిర్వహించారు. ఈ కార్యక్రమంలో రాజోలు శాసనసభ్యుడు దేవ వరప్రసాద్ పాల్గొన్నారు.
ఈ సందర్భంగా రత్నకుమారి గ్రామ అభివృద్ధికి చేసిన సేవలను ఎమ్మెల్యే ప్రశంసించారు. ఆమె తన పదవీకాలంలో గ్రామానికి చేసిన కృషి ఆదర్శప్రాయమని పేర్కొన్నారు. ప్రజల సమస్యల పరిష్కారంలో ఆమె చూపిన నిబద్ధతను కొనియాడారు.
గ్రామాభివృద్ధి కోసం స్థానిక ప్రజాప్రతినిధులు కృషి చేయాలని, ప్రజల సహకారం ఎంతో ముఖ్యమని ఎమ్మెల్యే సూచించారు.
ఈ కార్యక్రమంలో స్థానిక నాయకులు, గ్రామస్తులు, ప్రజాప్రతినిధులు పాల్గొని రత్నకుమారిని సన్మానించి అభినందనలు తెలిపారు.
