పోటీ పరీక్షల్లో పేపర్ లీక్లకు చెక్.. లోక్సభలో పబ్లిక్ ఎగ్జామినేషన్స్ సవరణ బిల్లు ఆమోదం
దేశవ్యాప్తంగా పోటీ పరీక్షల్లో పేపర్ లీకేజీలు, నకిలీ పరీక్షలు వంటి అక్రమాలను అరికట్టేందుకు కేంద్ర ప్రభుత్వం తీసుకొచ్చిన పబ్లిక్ ఎగ్జామినేషన్స్ సవరణ బిల్లు-2026కు లోక్సభ ఆమోదం తెలిపింది. ఈ సందర్భంగా కేంద్ర హోంమంత్రి అమిత్ షా దేశంలోని విద్యార్థులందరికీ శుభాకాంక్షలు తెలిపారు.
ఈ చట్టం అమలుతో పోటీ పరీక్షల నిర్వహణలో పారదర్శకత పెరుగుతుందని, పేపర్ లీకేజీలు, మోసపూరిత కార్యకలాపాలు, పరీక్షల గోప్యతను భంగం చేసే చర్యలకు కట్టడి ఏర్పడుతుందని ఆయన పేర్కొన్నారు. నిజాయతీగా శ్రమించే విద్యార్థుల భవిష్యత్తును రక్షించడమే ఈ చట్టం ప్రధాన ఉద్దేశమని స్పష్టం చేశారు.
పరీక్షల నిర్వహణలో అక్రమాలకు పాల్పడే వారిపై కఠిన చర్యలు తీసుకుంటామని, పేపర్ లీక్లు, నకిలీ పరీక్షలు, ఇతర మోసపూరిత చర్యలకు పాల్పడిన వారికి చట్టపరమైన శిక్షలు అమలు చేస్తామని అమిత్ షా తెలిపారు. ఈ చట్టం అమల్లోకి రావడంతో పోటీ పరీక్షలపై విద్యార్థుల్లో విశ్వాసం మరింత బలోపేతం అవుతుందని చెప్పారు.
ప్రతిభకు ప్రాధాన్యం కల్పించే పరీక్షా వ్యవస్థను మరింత పారదర్శకంగా, విశ్వసనీయంగా తీర్చిదిద్దేందుకు కేంద్ర ప్రభుత్వం కట్టుబడి ఉందని ఆయన పేర్కొన్నారు.
