బోడసకుర్రు : కోనసీమ జిల్లా బోడసకుర్రు గ్రామంలో గ్రామదేవతగా కొలువై పూజలందుకుంటున్న శ్రీ పైళ్లమ్మ అమ్మవారి వార్షిక జాతర, తీర్థ మహోత్సవాలు భక్తిశ్రద్ధలతో వైభవంగా కొనసాగుతున్నాయి.
ఉత్సవాల్లో భాగంగా ఆదివారం అమ్మవారి జాతరను ఘనంగా నిర్వహించారు. ప్రత్యేక పూజలు, ఆధ్యాత్మిక కార్యక్రమాల మధ్య భక్తులు పెద్ద సంఖ్యలో హాజరై అమ్మవారిని దర్శించుకుని మొక్కులు చెల్లించుకున్నారు.
సోమవారం ఆలయ ప్రాంగణంలో తీర్థ మహోత్సవం నిర్వహించనున్నట్లు ఆలయ నిర్వాహకులు తెలిపారు. ఈ సందర్భంగా భక్తులు అధిక సంఖ్యలో పాల్గొనే అవకాశం ఉండటంతో అవసరమైన ఏర్పాట్లు పూర్తి చేసినట్లు పేర్కొన్నారు. ఉత్సవాలు ప్రశాంతంగా, భక్తిశ్రద్ధలతో కొనసాగుతున్నాయి.
