నరసాపురం రైల్వే స్టేషన్లో నరసాపురం నుండి చర్లపల్లి వరకు నడిచే వీక్లీ స్పెషల్ ట్రైన్ సేవలను ఘనంగా ప్రారంభించారు. ఈ కార్యక్రమంలో కేంద్రమంత్రి శ్రీ భూపతిరాజు శ్రీనివాస్ వర్మ గారితో కలిసి పలువురు ప్రముఖులు పాల్గొన్నారు.
ప్రజల ప్రయాణ అవసరాలను దృష్టిలో ఉంచుకుని కేంద్ర ప్రభుత్వం ఈ కొత్త రైలు సేవలను అందుబాటులోకి తీసుకువచ్చింది. ఈ ట్రైన్ ప్రారంభంతో నరసాపురం ప్రాంత ప్రజలకు రవాణా సౌకర్యాలు మరింత మెరుగుపడనున్నాయి.
ఈ రైలు సేవ ప్రజల రాకపోకలకు మాత్రమే కాకుండా, ప్రాంత అభివృద్ధికి కూడా దోహదపడుతుందని నాయకులు అభిప్రాయపడ్డారు. ప్రయాణికులకు సౌకర్యవంతమైన ప్రయాణాన్ని అందించడంలో ఈ సేవ కీలక పాత్ర పోషించనుంది.
ఈ కార్యక్రమంలో మాజీ శాసనసభ్యులు బండారు మాధవ నాయుడు గారు, టిడిపి పార్టీ ఇంచార్జ్ పొత్తూరి రామరాజు గారు, జనసేన, టిడిపి, బిజేపి నాయకులు పాల్గొని కార్యక్రమాన్ని విజయవంతం చేశారు.
