విజయవాడలో ఎస్సీ ఎస్టీ హక్కుల సంక్షేమ వేదిక ఆధ్వర్యంలో జరిగిన సమావేశంలో రాష్ట్ర అధ్యక్షుడు గరికముక్కు సుబ్బయ్య కీలక వ్యాఖ్యలు చేశారు. మతం మారిన ఎస్సీలు షెడ్యూల్డ్ కులాల రిజర్వేషన్లు పొందడం రాజ్యాంగ స్ఫూర్తికి విరుద్ధమని ఆయన పేర్కొన్నారు.
తాజా సుప్రీంకోర్టు తీర్పులో క్రైస్తవ మతం స్వీకరించిన ఎస్సీలకు ఎస్సీ హోదా వర్తించదన్న అంశాన్ని ఆయన సమర్థించారు. ఇదే విషయంపై గతంలోనూ పలు హైకోర్టులు మరియు సుప్రీంకోర్టు తీర్పులు ఉన్నాయని తెలిపారు.
షెడ్యూల్డ్ కులాలు, షెడ్యూల్డ్ తెగల జాబితా 1950 రాష్ట్రపతి ప్రకటన ఆధారంగా రూపొందించబడిందని, రాజ్యాంగ సవరణల ద్వారా వివిధ మతాల పరిధిపై స్పష్టతలు ఇచ్చారని ఆయన వివరించారు. ఈ నేపథ్యంలో మత మార్పు తర్వాత రిజర్వేషన్ హక్కులు వర్తించవని ఆయన అభిప్రాయపడ్డారు.
అలాగే క్రైస్తవ మతంలో కుల వ్యవస్థ లేదని వారి వాదన ఉందని, అందువల్ల రిజర్వేషన్ల అవసరం ఉండదని అన్నారు. మతం మార్చుకున్న వారు ఎస్సీ కుల సర్టిఫికెట్లను వదులుకోవాలని ఆయన కోరారు.
గత ప్రభుత్వాల విధానాలు, ప్రస్తుత పాలన నిర్ణయాలపై కూడా ఆయన వ్యాఖ్యానించారు. ఎస్సీ ఎస్టీ హక్కుల రక్షణ కోసం వేదిక కొనసాగుతుందని తెలిపారు
