- అమరావతిని ఆర్థిక శక్తిగా మార్చి రాష్ట్ర అభివృద్ధి
- జగన్ విధ్వంసానికి చెక్… అమరావతి జయభేరి
- పార్లమెంట్లో 50కి పైగా పార్టీల మద్దతు… వైసీపీ వాకౌట్ షాక్
- అభివృద్ధి చేసిన చంద్రబాబు… అడ్డుకున్న జగన్
- మూడు రాజధానుల పేరుతో మూడు ప్రాంతాల్లో చిచ్చు
- విశ్వసనీయతపై మాట్లాడే నైతిక హక్కు జగన్కు లేదు
- జగన్పై విరుచుకుపడ్డ మంత్రి కింజరాపు అచ్చెన్నాయుడు
అమరావతి/మంగళగిరి: గత ఐదేళ్లలో అమరావతి రాజధాని పరిపాలనలో వైసీపీ పాలన పూర్తిగా విధ్వంసానికి ప్రతీకగా నిలిచిందని, అదే సమయంలో కూటమి ప్రభుత్వం, ముఖ్యమంత్రి చంద్రబాబు నాయకత్వంలో అమరావతి పునర్నిర్మాణం విజయ పథంలో దూసుకెళ్తోందని మంత్రి కింజరాపు అచ్చెన్నాయుడు తెలిపారు.
శనివారం టీడీపీ కేంద్ర కార్యాలయంలో నిర్వహించిన మీడియా సమావేశంలో మంత్రి, రాష్ట్రంలో జరిగిన పరిణామాలను ప్రజలకు తెలియజేయడం ప్రభుత్వ బాధ్యత అని పేర్కొన్నారు. 5 కోట్ల మంది ప్రజలు అమరావతి సాధనంపై ఆనందోత్సవాలు జరుపుతున్నారని తెలిపారు.
అచ్చెన్నాయుడు వైసీపీ ప్రభుత్వంపై తీవ్ర విమర్శలు చేశారు. అమరావతిని శ్మశానం, ఎడారి అంటూ దూషించడం, మూడు రాజధానుల నాటకంలో సీనారియో సృష్టించడం, అవినీతిని చూపించలేకపోవడం, ప్రజల భవిష్యత్తును దెబ్బతీయడం వంటి అంశాలను గుర్తుచేశారు. అందుకోసం 29,000 మంది రైతులు 34,000 ఎకరాలు స్వచ్ఛందంగా ఇచ్చారని, కేవలం సెల్ఫ్ ఫైనాన్స్ ప్రాజెక్ట్ కాబట్టి ప్రభుత్వ ఖజానా నుండి అదనపు ఖర్చు అవసరం లేదని తెలిపారు.
2014–2019 మధ్య టీడీపీ ప్రభుత్వంలో 54,000 కోట్ల రూపాయలతో ఇరిగేషన్ ప్రాజెక్టులు, గ్రామాలలో మౌలిక సదుపాయాలు అభివృద్ధి అయ్యాయని, కానీ 2019లో జగన్ అధికారంలోకి వచ్చి రాష్ట్రాన్ని అప్పుల మయం చేసి అభివృద్ధిని పాతరేశారని చెప్పారు. 2024లో కూటమి ప్రభుత్వం ఏర్పడిన తర్వాత 18 నెలల్లో అమరావతి అభివృద్ధి, భోగాపురం ఎయిర్పోర్ట్, మూలపేట పోర్ట్, కొత్త పెట్టుబడులు ప్రవేశపెట్టడంలో ఘనత సాధించిందని పేర్కొన్నారు. పోలవరం డయాఫ్రం వాల్, వైజాగ్ స్టీల్ ప్లాంట్ అభివృద్ధి, రాయలసీమ లిఫ్ట్ ఇరిగేషన్ పనులు పూర్తి చేయడాన్ని విశేషంగా గుర్తుచేశారు.
మంత్రులు బీసీ జనార్ధన్ రెడ్డి, అనగాని సత్యప్రసాద్ కూడా ఈ కార్యక్రమంలో పాల్గొన్నారు. అచ్చెన్నాయుడు, అమరావతి తెలుగు ప్రజల భవిష్యత్తు అని, ఆర్థిక శక్తిగా మార్చి అన్ని ప్రాంతాలను సమానంగా అభివృద్ధి చేస్తామని స్పష్టం చేశారు.
