సోషల్ మీడియాలో విపరీత పోకడలను నిలువరించాలి

జనసేన అధ్యక్షులు పవన్ కళ్యాణ్ – మహిళల రక్షణ, యువత భవిష్యత్తు కోసం బలమైన హామీ

విశాఖలో జరిగిన జనసేన లెజిస్లేటివ్ సమావేశంలో రాష్ట్ర ఉప ముఖ్యమంత్రి శ్రీ పవన్ కళ్యాణ్ గారు చేసిన ముఖ్య వ్యాఖ్యలు:

???? మహిళల రక్షణపై చట్టం అవసరం:
సోషల్ మీడియాలో మహిళలపై జరుగుతున్న జుగుప్సాకర దాడులను అరికట్టేందుకు అసెంబ్లీ వేదికగా చర్చించాలి. ప్రత్యేక చట్టం లేదా ఆర్డినెన్స్ తీసుకురావాలి. త్వరలోనే నిపుణులతో రౌండ్ టేబుల్ సమావేశం ఏర్పాటు చేస్తాము.

???? జనసేన విజయగాథ కొనసాగుతుంది:
2024 ఎన్నికలు ఆరంభం మాత్రమే. ఇది ఒక నిరాటంక యాత్ర. నా శ్వాస ఉన్నంత వరకు ఈ విజయాన్ని కొనసాగిస్తాను. జనసేన అంటే భావజాలం, సిద్ధాంతం, పోరాటం. యువత, మహిళలే పార్టీ అసలైన బలం.

???? యువశక్తి – పార్టీ బలం:
జనసేనలో అపారమైన యువశక్తి ఉంది. వారే పార్టీకి వెన్నెముక. యువత సామర్థ్యాన్ని ఎవరూ తక్కువ అంచనా వేయరాదు. ఆ శక్తిని దేశ అభివృద్ధికి మలచుకోవాలి.

???? కూటమి అవసరం:
జనసేన-తెలుగుదేశం-బీజేపీ కూటమి వల్లే 2024 ఎన్నికలు న్యాయంగా జరిగాయి. అలయెన్స్ బలహీనపడే ఆలోచన రావద్దు. రాష్ట్ర అభివృద్ధికి, ప్రజల భవిష్యత్తుకు కూటమి అవసరం. మన అలయెన్స్ రాష్ట్రానికే కాదు, దేశానికీ అవసరం.

???? ప్రజలతో అనుబంధం:
జనవాణి సమయంలో ప్రజల నిరంతర మద్దతు నన్ను బలవంతుడిని చేసింది. “మూడేళ్ల కూతుర్ని ఎత్తుకుని, మరో చేత్తో జనసేన జెండా పట్టుకున్న యువతి” నాలో కొత్త శక్తిని నింపింది. ప్రజలతో ఉన్న ఈ భావోద్వేగ అనుబంధమే పార్టీకి శక్తి.

“పదవుల కోసం కాదు… ప్రజల కోసం. మహిళల భద్రత, యువత భవిష్యత్తు, రాష్ట్ర అభివృద్ధి కోసం జనసేన ఎప్పుడూ ముందుంటుంది.”