అమరావతి, ఏపీ సచివాలయం:
ముఖ్యమంత్రి చంద్రబాబు అధ్యక్షతన జరిగిన మంత్రివర్గ సమావేశంలో 33 అజెండా అంశాలకు ఆమోదం లభించింది.
- సీఆర్డీఏ 51వ సమావేశం ప్రతిపాదనలు మంత్రివర్గ ఆమోదం పొందాయి.
- రాజధాని పరిధిలోని 29 గ్రామాల్లో రూ.904 కోట్లతో మౌలిక వసతుల కల్పనకు పచ్చజెండా ఊపబడింది.
- ఏపీ సర్క్యులర్ ఎకానమీ, వేస్ట్ రీసైక్లింగ్ పాలసీ (4.0) 2025–30కి ఆమోదం లభించింది.
- పర్యాటక ప్రాజెక్టుల కోసం ప్రభుత్వ భూముల కేటాయింపు మార్గదర్శకాలు మంజూరయ్యాయి.
- సీఆర్డీఏ పరిధిలో వివిధ సంస్థలకు భూ కేటాయింపులపై ఉపసంఘం సిఫార్సులు మంత్రివర్గ ఆమోదం పొందాయి.
ఉద్యోగాలు & పరిపాలన:
- గ్రామ, వార్డు సచివాలయాల్లో 2,778 పోస్టులను డిప్యూటేషన్, ఔట్సోర్సింగ్ ఆధారంగా భర్తీ చేయనున్నారు.
- అధికారిక భాష కమిషన్ పేరును ‘మండలి వెంకటకృష్ణారావు అధికారిక భాష కమిషన్’గా మార్చారు.
అభివృద్ధి & ప్రాజెక్టులు:
- తోట వెంకటాచలం (కాకినాడ) లిఫ్ట్ ఇరిగేషన్ కాలువ అభివృద్ధి పనులకు ఆమోదం.
- పంచాయతీరాజ్ చట్టంలోని పలు సెక్షన్లకు సవరణలు మంజూరయ్యాయి.
- కడప మైలవరంలో 250 మెగావాట్ల సోలార్ పవర్ ప్రాజెక్టుకు గ్రీన్ సిగ్నల్.
- అదానీ సోలార్ ఎనర్జీకి 200.05 ఎకరాలు కేటాయింపు.
ఇతర ముఖ్య నిర్ణయాలు:
- గుంటూరులో తెదేపా కార్యాలయ భూమి లీజు కాలపరిమితి పొడిగింపు.
- చిత్తూరు సీహెచ్సీని 100 పడకల ఆసుపత్రిగా అభివృద్ధి చేసి, 56 కొత్త పోస్టుల మంజూరు.
- నాలా పన్ను 4 శాతం లోపల 70% స్థానిక సంస్థలకు, 30% అథారిటీలకు ఇవ్వాలని నిర్ణయం.
- ఏపీ యాచక నిరోధక చట్ట సవరణ ముసాయిదాకి ఆమోదం.
- మద్యం ప్రాథమిక ధరలు, విదేశీ మద్యం బ్రాండ్ల టెండర్ కమిటీ సిఫార్సులు మంజూరయ్యాయి.
