పశ్చిమ గోదావరి జిల్లా శాంతి సామరస్యానికి ప్రతీకగా నిలుస్తుందని, ఇటువంటి ఘర్షణలు జరగడం బాధాకరమని భీమవరం ఎమ్మెల్యే పులపర్తి రామాంజనేయులు (అంజిబాబు) పేర్కొన్నారు.
ఆకివీడు పెదపేటలో ఇటీవల జరిగిన ఘర్షణలో గాయపడిన బాధితులను భీమవరం ఆసుపత్రిలో ఆయన పరామర్శించారు. చికిత్స పొందుతున్న గవర్ అనిల్ కుమార్, వెజ్జు నాగ సాయి లను కలిసి వారి ఆరోగ్య పరిస్థితిని అడిగి తెలుసుకున్నారు.
ఈ సందర్భంగా గాయపడిన వారి శరీరంలో చిక్కుకున్న గాయాలను పరిశీలించిన ఎమ్మెల్యే, సమస్యలు ఉంటే చర్చల ద్వారా పరిష్కరించుకోవాలని సూచించారు. ఘర్షణలు, దాడులు సమాజానికి హానికరమని, ఇటువంటి ఘటనలు మళ్లీ జరగకుండా చర్యలు తీసుకుంటామని తెలిపారు.
ఈ కార్యక్రమంలో స్థానిక నాయకులు, కార్యకర్తలు, మహిళా ప్రతినిధులు మరియు ప్రజలు పాల్గొన్నారు.
