తెలుగుదేశం పార్టీ జాతీయ వర్కింగ్ ప్రెసిడెంట్ గా ఎన్నికైన సహచర మంత్రి, సోదరుడు శ్రీ నారా లోకేష్ గారికి హృదయపూర్వక అభినందనలు తెలియచేస్తూ ఉప ముఖ్యమంత్రి, జనసేన పార్టీ అధ్యక్షులు శ్రీ పవన్ కళ్యాణ్ ఒక ప్రకటన విడుదల చేశారు. ఆ పార్టీ జాతీయ ప్రధాన కార్యదర్శిగా సేవలు అందించిన శ్రీ లోకేష్ గారు- కొత్త బాధ్యతలలో సఫలీకృతులు కావాలని, కూటమి స్ఫూర్తిని సమర్థంగా కొనసాగిస్తారని ఆకాంక్షిస్తున్నాను. టీడీపీ ఆంధ్రప్రదేశ్ రాష్ట్ర అధ్యక్షునిగా మరోసారి ఎన్నికైన శ్రీ పల్లా శ్రీనివాసరావు గారికి శుభాకాంక్షలు తెలియజేస్తున్నానని శ్రీ పవన్ కళ్యాణ్ పేర్కొన్నారు.
మంగళగిరి: నారా లోకేష్ జాతీయ వర్కింగ్ ప్రెసిడెంట్గా ఎన్నిక కావడంపై జనసేన పార్టీ అధ్యక్షుడు పవన్ కళ్యాణ్ హృదయపూర్వక అభినందనలు తెలిపారు. జాతీయ ప్రధాన కార్యదర్శిగా సమర్థవంతంగా పనిచేసిన లోకేష్, కొత్త బాధ్యతల్లో మరింత విజయాలు సాధించాలని ఆకాంక్షించారు.
కూటమి స్ఫూర్తిని బలంగా ముందుకు తీసుకెళ్లడంలో ఆయన కీలక పాత్ర పోషిస్తారని విశ్వాసం వ్యక్తం చేశారు. పార్టీ అభివృద్ధితో పాటు ప్రజా సేవలో మరింత ముందుకు సాగాలని ఆకాంక్షించారు.
అలాగే, తెలుగుదేశం పార్టీ ఆంధ్రప్రదేశ్ రాష్ట్ర అధ్యక్షుడిగా మరోసారి ఎన్నికైన పల్లా శ్రీనివాసరావుకు కూడా శుభాకాంక్షలు తెలిపారు. కొత్త బాధ్యతల్లో ఆయన విజయవంతంగా కొనసాగాలని ఆశాభావం వ్యక్తం చేశారు.
